Sandgerði | Rafmagnstafla brann í björgunarskipinu Hannesi Þ. Hafstein

Hættustig skapaðist um helgina þegar rafmagnstafla brann í landtengingu björgunarskipsins Hannesar Þ. Hafstein í Sandgerði. Atvikið sýnir fram á hve tæpt getur staðið þegar treyst er á eldri búnað.

Það var við hefðbundinn sunnudagshitting áhafnarinnar sem í ljós kom að skipið var algjörlega rafmagnslaust. Við nánari eftirgrennslan kom í ljós að rafmagnstafla fyrir landtengingu hafði brunnið, en sem betur fer náði eldur ekki að dreifa sér frekar um borð.

Skipið skráð á rautt

Tilkynning var strax send til stjórnstöðvar Landhelgisgæslunnar og skipið skráð á „rautt“ stöðukort, sem þýðir að það var óvígt til björgunarstarfa á meðan allt var dautt um borð.

Áhöfnin brást þó skjótt við og tókst að græja bráðabirgðatengingu á inverter skipsins svo hægt væri að koma rafmagni aftur á og skrá skipið á „grænt“ að nýju. Samhliða viðgerðum var látið sverfa til stáls í snjókomunni og skipið þrifið hátt og lágt í tilefni vorhreingerningar.

Mikilvægi nýsmíðaverkefnisins

Forsvarsmenn björgunarskipsins segja þetta atvik undirstrika hversu gríðarlega mikilvægt sé að nýsmíðaverkefni Slysavarnafélagsins Landsbjargar gangi eftir sem hraðast. Skipin séu mikilvæg björgunartæki sem sjómenn þurfi að geta treyst á allan sólarhringinn ef lífi þeirra er ógnað við störf á sjó.